ომალოს უბნის რეინჯერი

დაიბადა ახმეტის მუნიციპალიტეტის სოფ. ქვემო ალვანში. სკოლის დამთავრების შემდეგ მსახურობდა საქართველოს შეიარაღებულ ძალებში.
სამუშაო გამოცდილება
1998-2011 წწ. იმყოფებოდა ემიგრაციაში რუსეთის ფედერაციაში, თუმცა თუშეთისადმი დიდი სიყვარულის გამო, საბოლოოდ სამშობლოში დაბრუნდა. ფლობს მშრალი ქვის წყობის ხელობას და აპრილიდან ნოემბრამდე პერიოდს თუშეთში ატარებდა.
2016 წლიდან მუშაობს თუშეთის დაცული ლანდშაფტის ადმინისტრაციაში ომალოს უბნის რეინჯერად. ადმინისტრაციის გუნდს შეუერთდა, რადგან სურს თავისი წვლილი შეიტანოს თუშეთის სწორად განვითარებასა და ისტორიულ-ბუნებრივი მემკვიდრეობის დაცვა-შენარჩუნებაში. სამომავლოდ გეგმავს თავის მშობლიურ სოფელ დიკლოში დასახლებას.